Ambasadorja e Delegacionit të Bashkimit Evropian në Shqipëri, Christiane Hohmann ka thënë se nëse Shqipëria do më tepër fonde nga BE-ja, duhet të plotësojë disa kushte.

“Brenda BE ne kemi fonde strukturore ndaj për këtë arsye kryetarja e komisionit evropian bëri një propozim për një paketë rritje për vendet e Ballkanit Perëndimor për rritjen ekonomike, pasi nëse do të lëmë në rastësi duhet një kohë e gjatë. Duhet një shtytje, pasi nuk ka fonde falas, por mbështetja lidhet me kushte, pasi nëse do fondet e BE duhet që të plotësosh disa kushte.”, tha ajo, raporton euronews, shkruan Arbresh.info.

Tutje ajo shtoi se duhet të garantojnë se i kanë njerëzit që duan të përfitojnë nga anëtarësimi.

“Ky është një propozim që po diskutohet me vendet anëtare pasi është pjesë e rishikimit afatmesëm për buxhetin dhe paketa përfundimtare nuk është akoma gati por është një objektiv i deklaruar  i komisionit evropian. Duhet që të garantojmë se ne i kemi njerëzit që duan të përfitojnë nga anëtarësimi”, u shpreh ambasadorja Hohmann./Arbresh.info.